[PR]上記の広告は3ヶ月以上新規記事投稿のないブログに表示されています。新しい記事を書く事で広告が消えます。
Candy Corner 這個item呢…..其實我之前都分別介紹過我起邊到買樽買糖~~~但係自己理想中,一個Candy Corner除左食物之外,佈置一定唔少得。
本來有位間中做副業佈置的好朋友表示會替我的candy corner做佈置,而我只需要買糖果買樽果d就可以。但後來這位好朋友因為工作轉換而變得很忙很忙,我實在唔好意思仲要佢幫手搞佈置野…..,亦都唔太放心 於是….冇左呢個朋友幫手之後, 我就開始煩點樣佈置啦!
自己理想中既Candy Corner係一定要有層次感而且一定要用枱布(唔想用酒樓既枱布), 但係當時我已經買左糖果同樽,所以冇可能放棄, 出去join candy corner plan!?
到最後好好彩彩,我訂花的那間Vendor竟然可以offer以我現有物資再提供佈置.可能因為我既花球,感恩花全部都訂佢,,, 所以我先大膽一問可唔可以幫我只做佈置, 估唔到佢又肯!!! 而且價錢真係收得好友誼價
呢個就係當日既Candy Corner, 其實我都係睇返相先知道甘靚,因為我係全情睇唔到!!!!!!!! 直到我準備march in起門口等既時候…..已經見到個Candy Corner已經開始收檔………..原因係……d糖已經比賓客掃晒
當時響婚展到見到呢間專門代理世界各地嘅婚戒公司,原本只係打算望下無諗住要買,但呢隻戒指一試上手我即刻覺得心心眼 覺得好好睇好襯我。
我本身手好細手指好短,加上份人偏黑偏黃唔係太適合戴首飾,所以我平時都無戴戒指嘅習慣,但呢隻戒指個設計好似將我手指短嘅缺點完全遮蓋晒,當下我已經同我家男人講一定要買呢隻結婚戒指!
佢返到屋企即刻做research,原本打算直接響德國原廠去訂戒指,不過一來基於上次隻鑽戒因為上網訂無試過size 結果買大咗有啲鬆,二來問過德國原廠佢地都係建議我地搵香港代理買比較好,所以男人最後都屈服咗響香港買。
香港代理響尖沙咀有門市,我地前前後後去過三次試size、揀材質同埋講價,攪到連sales 妹妹都已經認得我地 原本打算 6月婚展時先買,不過唔講唔知原來白金戒指嘅價錢會跟住金價上升而調整(因為白金入面其實係有黃金成份),而且sales 妹妹見我地咁有心想幫襯佢地,都特登做返婚展嘅折扣俾我地,所以我地第一個完成嘅 item 就係訂造咗婚戒
最近一直都留意啲金價,想係金價平嘅時候入手金器,不過最近都一路係今升,都仲未見到回落,唯有周圍今睇下啲金器款色啦!今岩俾見到原來有出迪士尼米奇米尼婚嫁金器
依啲金鐲金手鐲有別於一般龍鳳鐲,佢地用加左米奇同米妮元素,特別得黎又好夢幻 佢依隻設計好靚,係金鐲下加左條花花手鏈,傳統特黎又加啲動感,戴住佢下面花花手鏈郁下郁下好得意️
仲有依條囍字米奇米妮花花鏈,立體得黎又得體
仲有依隻金鐲都唔錯唔會太浮誇之餘,保留左少少傳統特色,有百年好合嘅字,岩晒啲低調得黎又想加入啲夢幻元素係婚禮嘅新娘子